Le LSMYo’ junp’éel leengwa emerjeente tumen ka’achile’ mina’an leengwa de seenyas ichil le kaajo’, ma’ xan ti’ utaal ti’ uyaanal leengwa de seenyase’. Te’ chan tsikbala’, Le Guene’, kut’aan yo’olal ukarakteriistika yéetel uk’a’betil le t’aana’, ba’axo’ob kutaasik yéetel umu’k’a’anil ichil le xak’alil lingwiistikoso’.

Mejikoe’, yaan maas ti’ 360 jejela’as t’aano’ob, ichil le je’elo’oba’ táakpaja’an le leengwa de seenyaso’, tupetenil Yukataane’ bey je’ex le jeestos maayaso’.

Le tsikbal je’ela’ yo’osal inklusyoon yéetel kompromiisos te’ kaajo’ob yo’osal le tooto’obo’. Dr. Le Guene’, kuye’esike’, te’ kaajo’ob maaya yukateekao’ mina’an distinsyoones yéetel tooto’obo’.

Te’ chan tsikbala’, Dr. Olivier Le Guene’, kutsikbaltik ba’ax tumáansaj tuchúumbal umeyaj yéetel ba’ax uts uyik yo’olal ukuxtal maayas.

Yo’osal ba’ax tumáansaj yéetel le ba’alo’ob ts’o’ok uyilik Dr. Le Guen te’ proyeektojo’, kutsikbatik le bix ukuxtal le mejen kaajo’ob maayajo’obo’ kuyoksik le tooto’ob ichilo’ob tuséebilo’ tumeen ma’ach ujatsik ubáajo’ob, le je’ela’ uyilk’ajal tumeen kusíijil le LSMY bey je’ex junp’éel t’aan kuch’a’ik ya’abach ba’alo’ob te’ kuxtal maayajo’.

Te’ kolookyo je’ela’, kaxta’ab e’esbil le meyajo’ob ts’o’ok umeeta’al yo’osal leengwas de seenyas emerjeentes, bix uch usíijil yéetel umeyajilo’ob. Yo’osal meejikoe’, le meyaj kuye’esa’alo’ lete’ Leengwa de Seenyas Maaya Yukateekajo’.