LE TÁAKPAJA’ANO’OB
Le máaxo’ob táakpaja’ano’ob te’ meyaja’ ti’ utaalo’ob ti’ jejela’as nukuch kaajalo’obe’ yéetel mejen kaajo’ob, tuláakalo’obe’ láaj k’a’ana’ano’ob kex jejela’as ba’ax kumeetiko’ob.
Ichil 2013 yéetel 2016e’ dyees utúulal máak kumeyajo’ob ichil le Proyeektoa’. Ti’ 2019e’ nweebe utúulalal máak kumeyaj ichil le Proyeektoa’, chen ka’atul kóoki’ yéetel uyoojelo’ob LSMY; umaasiloo’obe’, kut’aniko’ob óoxp’éel jejela’as t’aan (maaya, LSMY yéetel espanyool).
K’AJÓOLT MÁAX TÁAKPAJA’ANO’OB TI’ LE MÚULMEYAJA’
OLIVIER LE GUEN
Ujo’olil le proyeekto LSMY
Uk’aaba’ umeyahe’ etnografo-il. Leti’e’ kumeyaj yo’olal kultuura yéetel maaya yukateeko. Leti’e’, unojchil le Proyeekto LSMY yéetel leti’ ilik le Proyeekto Fronteera ti’ le Syeensya ti’ CONACyT [FC-2016_2893].
JOSEFINA SAFAR
Xoknáal ti’ doktoraado tu’unibersidaadil Estokoolma, Sueesya (Sueesya)
Tuxooke’, kuyilik bix kuchikpajal le leengwa de seenyaso’ yo’osal bix ukuxtal máak ti’ ya’abkach mejen kaajo’ob. Josefiinae’, uk’áat u’éetlakúuns leeksikos ti’ ya’abach mejen kaajo’ob tulu’umil Yukataan.
GEYDI PECH ABAN
Xoknáal ti’ UNO yéetel kut’aan maaya
Táan umeetik uteesis ti’ lisensyaatura yéetel Dr. Le Guen. Geeydie’, taak una’atik bix ukuxtal máak usáartik le t’aan te’ LSMY. Le LSMYo’, orijinaal tumeen kuka’anal ken táan umeeta’al. Le meyaja’, keetlamil yo’olal una’ata’al bix ukuxtal le t’aan te’ LSMY ichil utsikbalo’ob le fáamilyas ti’ junp’éel kaaj yéetel ichil ya’abach mejen kaajo’ob.
ALFREDO TUZ BAAS
Xoknáal ti’ UNO yéetel kut’aan maaya
Alfredoe’, taak una’atik uprefereensyas yo’osal u’uusojil le maarkos ti’ refereensyas espasyaales. Leti’e’, taak uyóoytik wáa le tooto’ob wáa tumeen ku’usartiko’ob chen paakat ti’ utsikbalo’obe’ yéetel aktáanil ti’ ubao’obe’, kuk’exik ubao’ob ti’ junp’éel maarko egoseentriko wáa kup’áatalo’ob ti’ junp’éel maarko jeoseentriko (le bey suuka’an u’usartiko’ob le maayas yukateekoso’). Yaan xan umeyaj yéetel le máaxo’ob ka’ap’éel t’aan kut’aniko’obo’.
ROCÍO UICAB MARTÍN
Xoknáal ti’ UNO yéetel kut’aan maaya
xRosiiyoe’, taak una’atik ba’ax meetik usíijil le senyas ku’yusáarta’al ti’ le LSMYo’. Lela’ junp’éel xak’al tu’ux ku’éetlankúunsa’al jejela’as mejen kaajo’ob yo’osal xan una’ata’al wáa junp’éelili’ t’aan wáa ya’abach t’aano’ob, le je’ela’ kubéeytal ichil uxak’alil usíijil le seenyaso’.
MERLI COLLÍ HAU
xsut t’aan, táakpaja’an ichil le múul meyaja’, uyoojel óoxp’éel t’aan.
xMeerlie’, u’iija toot, kuya’alal ti’o’ob ich íinglese’ CODA. Ya’ab uláak’ tooto’ob (upapaj, u’tiiyos yéetel upriimos). Leti’e’, ts’oka’an usúutul triliingwe, yaan ti’ upáajtalil uts’íibtik seenyas yéetel tsikbalo’ob ich maaya ti’ Elan.
DANIELA COLLÍ
xsut t’aan, táakpaja’an ichil le múul meyaja’, uyoojel óoxp’éel t’aan.
Bey je’ex xMeerlie’, Dianeelae’ CODA. Leti’e’, kumeyaj te’ Proyektoa’, kusutik le leengwa de seenyas ich maaya wáa espanyol. Ya’ab uláak’ tooto’ob (yáaxile’, upapaj), la’atene’ yaan ti’ upáajtalil uts’íibtik seenyas yéetel tsikbalo’ob ich maaya ti’ le prograama ELANo’.
GELI COLLÍ COLLÍ
leti’e’, toot, kumeyaj xan te’ Proyeektoa’.
Tukanaj xan uts’íibt seenyas yéetel jeestos ti’ le prograama ELANo’. Leti’ e’es óol tuláakal le seenyas yaan tumúuch’t’aan LSMYo’.
MARÍA JOSÉ TUZ CETZAL
Xoknáal ti’ UNO yéetel kut’aan maaya.
Táan umeetik uteesis ti’ lisensyatuura yo’osal uproseesosil ukuxtal yéetel u’atensyoon le mejen paalalo’ob ma’ tooto’ob kut’aano’ob maaya yukateeko ti’al le LSMYo’.
PEDRO CELESTINO COCOM UCÁN
Xoknáal ti’ UNO yéetel kut’aan maaya.
Táan umeetik uteesis ti’ lisensyatuura yo’osal ufonolojiiya le LSMYo’, táan u’éetlankúunsik ujeestos máak yéetel seenyas ichil jejela’as mejen kaajo’ob tu’ux ku’usáarta’al le LSMYo’.
SANDRA PATRICIA RENGIFO LÓPEZ
Xoknáal ti’ maestriiya ti’ Aartes yéetel Diseenyo te’ UNAMo’.
xSandrae’, leti’ kumeetik junláak’ junp’éel paajina ti’ le proyeekto LSMYo’ yo’olal utúumbental yéetel uma’alobtal, beyo’ he’el upáajtal uyila’al tumeen he’el máaxak le udaatosil le LSMY kuxak’alta’al te’ mejen kaajo’obo’.
EMMANUELLA MARTINOD
Inbestigadoora postdoktoral ti’ le Proyeekto yéetel ti’ le Laboratooryo Structure Formelle du Language (Paris, Francia).
Leti’e’, fraansyail, yaan umeyajtik u’uusosil uperspektiiba máako’ob (k’ajóolta’an xan bey Constructed Action ich íigles) te’ LSMYo’. Martinode’, tumeetaj uts’íib doktoraal Brasil, te’elo’ tuxak’altaj ya’abach t’aano’ob emerjeentes tulu’umil Belém. Yaan xan u’éetlankúunsik ya’abach t’aano’ob.
JEAN-JACQUES ANGUOA TANO
Investigadoor postdoktoraal ti’ le Proyeektoa’.
Leti’e’, Koosta de Marfilil, Aafrika. Yaan umeyaj yo’osal estruktuuras lingwiistikas te’ LSMYo’ ichil seys meses. Le Dr. Anguoa Tanojo’, ts’oka’an umeyaj yo’osal ujeel leengwas emerjeentes tulu’umil Aafrika, meyajnaja’an yo’olal le leengwa de seenyas Bouakakojo’.
MARIBEL PACHECO CAUICH
Xoknáal ti’ lisensyatuura desarooyo interkulturaal ti’ UNAM (CDMX).
Taak una’atik ba’ax relasyoonesil ts’oka’an uyaantal wáa ts’oka’an uk’éexel be’oora ichil le tooto’obo’, ichil yéetel pachil te kaajo’.
